“Йөрәкләрдә – илсөярлек хисе”

Яраткан җиде шагыйрәбез тамашачылар игътибарына шигырьләрен тәкъдим иттеләр, аларның сүзләренә язылган  моңлы, дәртле җырлар да яңгырады.

Елдан-ел күркәмрәк, сыйфатлырак уздырылып килүче бу затлы кичә туган телебезнең байлыгына, шигърилегенә, җырларыбызның моңына сокландыра,  күңелләрне рухи баета гына түгел, арабызда  күпме талантлар барлыгын ачыклый, аларның иҗат канатларын ныгыта. Рәхмәт сиңа, Шигырь!

***

Шагыйрәләр сүзе – җиһан сере –

Туган җирдәй җылы, ягымлы.

Әнкәм назы булып иркәли дә

Оныттыра  әрнү  чагыңны.

Шагыйрәләр сүзе –җиһан сере –

Кылдан нечкә, үткен кылычтан.

Соңгы сулыш алган өметеңне

Әйләндерә  чыдам корычка.

Шагыйрәләр сүзе – җиһан сере –

Моңнан, хистән, утлы ялкыннан.

Ташка түгел, яшәү көче булып

Халкым йөрәгенә язылган.