Февральдә Уфага Русия беренчелегенә һәм Бөтенрусия ярышларына 185 биатлончы килә

Уфада юниорлар арасында биатлон буенча Русия беренчелеге һәм Бөтенрусия ярышлары уздырыла. Бу хакта “Башинформ” мәгълүмат агентлыгына Башкортстанның спорт миистрлыгыннан хәбәр итәләр.

Ярышлар 3-10 февральдә биатлон буенча олимпия резервы мәктәбенең спорт комплексында оештырыла. Иң көчлеләр исеме өчен Русиянең 28 төбәгеннән 19-21 яшьлек 185 спортчы көч сынаша. Аларны суперспринт, катнаш эстафета һәм масстарт кебек ярышлар көтә.

Фото: Башкортстан Спорт министрлыгының телеграмм-каналы