Уфада Сталинград сугышының 80 еллыгына арналган мультимедиалы күргәзмә ачыла

Тарих тамашачыларга хронология тәртибендә тәкъдим ителә: “Һава блокадасы”, “Сталинград алышы”, “Кышкы яшен” операциясе, “Тацинск рейды”, “Боҗра”, “Сталинградның төньяк районнары өчен алышлар”, “Мамаев курганы”, “Павлов йорты”.

“Башинформ” агентлыгына мэриянең матбугат хезмәтеннән хәбәр итүләренчә, 2 февральдә барсы өчен дә керү бушлай. Соңыннан укучылар гына бушлай керә ала. Телефон +7 (347) 286-60-66.

“Сталинград – Җиңү тарихы” – илнең киләчәге өчен көрәштә совет халкының каһарманлыгы  символына әверелгән шәһәргә багышланган Русия проекты.

 Фото: Уфа шәһәре хакимиятенең матбугат хезмәте.

Зәйфә Салихова әзерләде.