Мостай Кәримнең "Ярлыкау"ы экраннарга чыга

Фильм нигезендә совет башкорт әдәбияты классигы Мостай Кәримнең «Ярлыкау»  повесте ята. Премьералар Мәскәүдә, Уфада һәм Казанда узачак.

Сюжет үзәгендә 20 яшьлек сержант-танкист Любомир Зухның тарихы, ул испан коммунистларының кызы Мария-Терезага гашыйк була, язмышы аны ерак авылга алып килгән була. Кыз да җавап кайтара. "Отбой" командасы яңгырагач та, сержант очрашуга йөгерә, сөйгәнен саубуллашу өчен кочакларга һәм сугыш алдыннан мөһим сүзләрен әйтергә тели. Ләкин ул сугыш чоры законнары буенча иң югары җәза белән янаган җинаять эшләгәнен аңламый.

- "Ярлыкау" – Мостай Кәримнең сугыштан соң 40 елга якын күңелендә йөрткән тирән шәхси әсәре, Мостафа Сафа улы институт эскәмиясеннән сугышка китә, авыр яралана, әмма фронтка янә кайта һәм Венада Җиңүне каршы ала. Сугыш аның тормышында һәм иҗатында тирән эз калдыра, хәтта еллар узгач та ул сынаулар һәм югалтулар белән тулы көннәргә уйлары белән кайта. "Ярлыкау" - уникаль әдәби әсәр, аны яңача уку беркемне дә битараф калдырмаячак, - дип сөйли картинаның продюсеры, бөек классикның оныгы Тимербулат Кәримов.

Фильмның режиссеры Айнур Аскаров сүзләренчә, фильмның төп вакыйгасы — яңа хәрби хезмәткә алынган Любомир Зухның дезертирлыгы.

 – Драматургия контрапункт нигезендә төзелә. Бер яктан - мәхәббәт хисләре, икенче яктан - сугыш. Без сугыштагы яшьлекне, хисләр һәм бурыч, үсү, әхлак һәм закон бәрелешүе турында сөйлибез. Бу темалар һәр тамашачыга җанлы җавап бирер дип ышанам. «Ярлыкау" повесте - искиткеч үткен тарих, - дип ышана продюсер Дмитрий Фикс.

Сугыш турындагы истәлекләр, авторның тормыш тәҗрибәсе белән үрелеп, хикәяләүнең лирик, бик нечкә эмоциональ тонын фаҗигале нигезгә бирә. Автор бөтен геройларга карата күп мәхәббәт һәм шәфкатьлелек салган, ә без тарихны тамашачы моны төгәл тоя алырлык итеп сөйләдек, - ди ул.

Фото: Башинформ