Республикада яшь авыл укытучылары 690 мең сум күләмендә грант алырга мөмкин

2023 елда һәрберсе 690 мең сумлык 150 грант каралган. Шулай итеп, быел авыл укытучыларына ярдәм күрсәтү өчен 103,5 миллион сум акча юнәлтелә.

Республика Мәгариф һәм фән министрлыгының матбугат хезмәтеннән “Башинформ” агентлыгына хәбәр итүләренчә, конкурска документлар 1 июньнән кабул ителә башлый.

Грантка авыл җирендә урнашкан мәктәптә ике елдан артык эшләгән 35 яшькә кадәрге укытучылар дәгъвә итәргә мөмкин. Аларны конкурс барышында Мәгариф һәм фән министрлыгы билгели.