Яңгырлар явар сыман...

Якын көннәрдә республикада кыска вакытлы яңгырлар булачак, дип хәбәр итәләр “Башгидрометүзәк” белгечләре.

Җомга, 19 майда, урыны белән кыска вакытлы яңгырлар явачак. Җил көнчыгыштан, төньяк-көнчыгыштан талгын исәчәк, урыны белән көчле җил көтелә. Һава температурасы көндез +15, +20 градус, көнчыгышта +10 градус чамасы гына.

Шимбә, 20 майда, һава торышы сизелерлек үзгәрмәячәк. Кайбер районнарда кыска вакытлы яңгырлар көтелә. Җил көнчыгыштан, төньяк-көнчыгыштан талгын, урыны белән көчле җил исәчәк. Һава температурасы төнлә +4, +9 градус, көндез +17, +22 градус җылы булачак.