Радий Хәбиров Уфа укучысын республика хөкүмәтенә эшкә чакырган

Башкортстан Башлыгы Радий Хәбиров үзенең телеграм-каналында Уфадан 11 нче класс укучысын югары уку йортын тәмамлаганнан соң республика хөкүмәтенә эшкә чакырырга әзер булуын билгеләде.

“Безнең командага шундый башлы егетләр кирәк. Вадим республика инженер лицей-интернатында укый. Әйткәндәй, быел майда ул Казахстанда химия буенча Менделеев олимпиадасында җиңү яулаган иде. Ә хәзер яңа җиңү – нинди бит әле! Вадим Харисовны, аның остазын, химия буенча баш тренер Айнур Гомәровны шундый югары нәтиҗәгә ирешүләре белән котлыйм! Безнең Башкортстан, Русия мәктәбе – чыннан да дөньяда иң көчлеләрнең берсе. Ә безнең яшьләр – иң сәләтлесе”, – дип язды республика җитәкчесе.

Фото:Радий Хәбиров, Telegram