Яшь армиячылар барсын да булдыра!

Конкурста җиңү өчен үз эмблемасы, формасы булган тугыз команда көрәште: “СОБР” (1 нче гимназия), “БГИ” ( Башкорт гимназия-интернаты), “Патриот” (Татар гимназиясе), “Разведчиклар” (Чуваш гимназиясе), “Факел” (1 нче мәктәп), “Русичи” (8 нче мәктәп), “Патриотлар” (15 нче мәктәп), “Ялкын” (17 нче мәктәп), “Арсенал-Армата” (41 нче мәктәп).

Командалар строй әзерлеге смотрында, катнаш эстафета, физик әзерлек, ММГ АК-74не сүтеп-җыю һ.б. сынау күнекмәләрен үтәделәр, “Русия сугыш тарихының истәлекле даталары “ викторинасында һ.б. белемнәрен күрсәттеләр.

Бөтен командалар да этапларны лаеклы үттеләр. 1 нче гимназиядән “СОБР” командасы җиңү яулады, татар гимназиясе командасы – икенче урында,  “Русичи” командасы өченче урынны алды. Катнашкан барлык командалар грамоталар, бүләкләр белән бүләкләнде.

Регина Фәизова.

Фотолар “Яшьтәш” учреждениесеннән.