. Уфада Башкортстан белән Абхазия дуслыгы хөрмәтенә колоннадага тәүге нигез салынды

“Без абхаз халык белән дус яшәргә тырышабыз. Колоннада – күптәнге тарихы булган мәңгелек дуслык билгесе. Узган гасырның 20нче елларында, Волга буенда ачлык булган чакта, Абхазия безгә азык-төлек белән ярдәм иткән, Бөек Ватан сугышы елларында яугирләребез Абхазия дәваханәләрендә һәм госпитальләрендә дәваланган, ә 90 нчы елларда без, башкортлар, абхазларга гуманитар ярдәм күрсәттек. Республика көнендә безгә килүегез – олы мәртәбә. Колоннаданы төгәл бер елдан, 11 октябрьдә ачабыз”, – дип вәгъдә бирде Радий Хәбиров.

Бөек ике республика бер-берсенә якынаю өчен тагын бер адым ясады, дип билгеләде Абхазия Президенты Аслан Бжания.

Колоннаданың биеклеге  – 12  метр, озынлыгы – 30  метр, киңлеге – 6  метрга кадәр, материаллары исә фельзит ташы яки гранит.

“Башинформ” буенча.

Фото:Олег Яровиков