Башкортстанга нинди кыш килер?

Башкортстанда киләсе кыш айларына көтелмәгән һава торышы фаразы яңгырады.

"Гидрометүзәк" мәгълүматлары буенча, декабрьдә гадәтидән салкынрак булачак. Декабрьдә уртача айлык һава температурасы нормасы -10,8 градус тәшкил итә.

Гыйнвар һәм февраль җылы булачак. Мәсәлән, гыйнвар аенда уртача айлык температура нормага якынча һәм аннан югарырак фаразлана (норма -12,5 градус тәшкил итә). Февраль аенда температура нормадан зуррак булачак (норма -11,7 градус тәшкил итә).

Шул ук вакытта синоптиклар температура үзгәреп торырга мөмкин дип фаразлый. Һава температурасының шактый тирбәлү ихтималы зур, бу куркыныч метеорологик күренешләр үсеше өчен шартлар тудырачак.

Фото: "Башинформ" агентлыгы