Уфа табиплары баланың иягендәге пуляны алган

Башкортстанның саулык саклау министры Айрат Рәхмәтуллин үзенең телеграм-каналында хәбәр итүенчә, үсмернең ике ай буена ияге шешеп йөргән. Соңыннан гына әти-әнисе табипларга мөрәҗәгать иткән. Хирурглар баланың иягендәге ят җисемне операция юлы белән алган.

Хәзер укучының хәле яхшы, ул өендә. Малайга пуляның ничек эләгүе турында  мәгълүмат юк.