Бу юлы җылы юрганнар

Бәләбәй шәһәренең Үзәк Мәдәният сарае каршындагы “Акчарлак” татар җыры төркеме сәхнә осталары махсус хәрби операциядәге яугирләр өчен гуманитар ярдәм тупладылар.

– Бу юлы җылы юрганнар җибәрергә булдык, йоклаганда җылы булсын. Безнең ир-егетләребезне Аллаһ Тәгалә саклап йөртсен”, – ди төркем җитәкчесе Рәзидә Ибатуллина.

Солдатлар өчен гуманитар ярдәм җыюны оештыруда тырышлыгы өчен шәһәрнең үзәк почтасы белгече, төркем әгъзасы Зөлфия Әнвәр кызы Тихомировага коллектив рәхмәт белдерә.

Һәркем күңелендә бер теләк: тынычлык урнашсын, ир-егетләр исән-имин әйләнеп кайтсыннар.

Безнең хәбәрче.

Фотолар: “Акчарлак” төркеме архивыннан.