Көньякта көчле давыл булган

Соңгы берничә көндә Төркиядә кар, яңгырлар ява, көчле җил исә. 26 ноябрьдә Төркиянең кайбер  шәһәрләре (Измир, Анталья, Бурса) урамнарын су басты, давыл котырды. Мондый көчле гарасат соңгы 80 елда  беренче тапкыр, дип хәтерли өлкәннәр. 77 яшьлек хатын-кыз вафат булган. 

Кырымлылар исә  27 ноябрь эшкә бармый, махсус хезмәтләр давыл нәтиҗәләрен төзәтү белән мәшгуль. Евпаториядә хәтта ял итүчеләрне эвакуацияләргә туры килгән. Севастопольдә маяк, причал юкка чыккан, Көньяк диңгезләр биологиясе институтының лабораториясен, китапханәсен су баскан. Музей-аквариумга салкын диңгез суы кереп, 800 диңгез хайваны һәлак булган. Тропик шартларга күнеккән җан ияләренә тозлы салкын су үлемечле тәэсир иткән.

Бу өермәне белгечләр Кырым тарихында иң көчлеләрдән, ди. 

Чыганак: РИА Новости.

Фото: Freepik.