Ел яңа, ә янгыннарның сәбәпләре иске

Ел яңа, ә янгыннарның сәбәпләре иске – электр үткәргечләрнең, электр корылмаларының (җылыткычлар) һәм мичләрнең төзек булмавы.

Бәләбәй районында агымдагы елда бер янгын чыккан (мунча янган). Фаҗиганең сәбәбе –  мичнең төзек булмавы. Каза күрүчеләр юк.

– Алда салкын көннәр көтелә. Янгынга бәйле фаҗигаләр булмасын өчен төзек булмаган мичләрдән файдаланмаска, электр челтәренең көчергәнешенә юл куймаска, юк икән, мотлак рәвештә янгын белдергече куярга чакырам, – дип искә төшерде  Русия гадәттән тыш хәлләр министрлыгының БР буенча  идарәлеге Бәләбәй районара бүлеге өлкән тикшерүчесе эчке хезмәт каптаны Дмитрий Ананьев.

Регина Фәизова.

Фото БР буенча Русия Гадәттән тыш министрлыгы.