Онытырлык түгел бу көнне

Бу тарихи вакыйга алдыннан Бәләбәй районында бердәнбер блокадачы – Екатерина Петровна Гуськовага хөрмәт күрсәттеләр. Узган елның декабрь ахырында Екатерина Петровнага 89 яшь тулды!

Бөек Ватан сугышы ветераны әлеге вакытта урындагы “Бораулаучы” профилакториенда дәвалана. Аны котларга район ветераннар советы вәкилләре Гөлназ Ишниязова, Рим Баһманов бардылар. Бәләбәй районы хакимияте һәм җәмәгать оешмасы исеменнән Екатерина Петровнага бүләкләр тапшырдылар, ныклы сәламәтлек, озын гомер теләделәр.

Светлана Шириня

Фото ветераннар советыннан.