Эфирда “Прима ТВ”!

 Тантаналы чараны мәктәпнең педагог- оештыручысы Ирина Паршуткинаның кинематограф  һәм журналистика турында шигыре белән ачтылар. Укучыларга Бәләбәй районы хакимияте башлыгы Азат Сәхәбиевтан, Мәгариф идарәлеге начальнигы Татьяна Лапшина, “Беренчеләр хәрәкәте” белгечләреннән фатыйха сүзләре ишетү күңелле булды.

– Проктта җиңү аркасында без заманча фото- һәм видеотөшерүләр, телетапшырулар әзерләү өчен  җиһаз сатып алдык. Студия өчен бинаны юнәттек, шуңа күрә балалар өчен бөтен шартлар булдырылды, дип кыю әйтә алабыз, – дип сөйләде мәктәп директоры Ольга Селькина. – Проект авторлары телевизион журналистикада тәүге адымнарын ясый да башлады. ВКонтактеда мәктәп битендә беренче видеороликларын чыгардылар. Ул –  Русиянең йөзү буенча спорт мастеры Азалия Әюпова белән,  мәктәп олимпиадачылары белән интервью.

Регина Фәизова.

Фотолар: мәктәптән.