Җирне саклау – һәркемнең бурычы

Күп илләрдә, шулай ук бөтендөнья оешмалары дәрәҗәсендә  30 март – Җирне саклау көнен билгелиләр. Бәйрәмнең максаты – һәлак булганнарны искә алу, тынычлыкка өмет һәм ышанычны ныгыту, бер-береңә һәм  планетага изге мөнәсәбәттә булу һ.б. Гомумән, бу дата гаять зур экологик дата булып исәпләнә.

“Урал-Батыр” мили-мәдәни  үзәгенең татар мәдәнияте үзәгендә 2 апрельдә “Җирне саклау көне” тематик чарасы узды.

Анда катнашучылар әлеге бәйрәмнең тарихын, йолаларын белделәр. “Минем йортым  Җир” викторинасы сорауларына җаваплар бирделәр. Табышмаклар әйтештеләр, табигатькә бәйле сынамышларны искә төшерделәр.

Зәйфә Салихова.