“Безнең гаилә-тату гаилә” чарасында

Гаиләдә һәркемнең роле, якын кешеләрне нинди уртак шөгыльләр берләштерә? Менә шул хакта сөйләгәннәр Денисовларның, Галиевлар, Гайнетдиновлар, Фарраховлар гаиләләренең әгъзалары.

Чара барышында Татар гимназиясенең 2 нче сыйныф укучылары шигырьләр укыганнар, җырлар җырлаганнар, биегәннәр, уеннар уйнаганнар, гаиләләрендәге йолалар  турында сөйләгәннәр. Шулай ук мәктәп тә зур бер гаилә дигән фикергә килгәннәр, чөнки ул белем һәм тәрбия биреп, иртәгәсе көнгә ышаныч тудыра, тормыш юлына ныклы басарга әзерли.

Зәйфә Салихова әзерләде.