Тимур – ел укучысы!

Шулай итеп, “Ел укучысы- 2024” титулын Бәләбәйгә тагын бер укучы алып кайтты. Үз яшь категориясендә бәйге сынаулары йомгаклары буенча Бәләбәйнең начар күрүче укучылар өчен коррекцион мәктәбенең 3 а сыйныфы укучысы Тимур Үзбәков җиңү яулаган. Сыйныф җитәкчесе Наталья Владимировна Зиязова ярдәмендә малай “Портфолио”, “Визитка”, “Эрудит”, “Тизрәк! Югарырак!. Көчлерәк!”, “Үз мәдәниятең белән уртаклаш” номинацияләрендә уңышлы чыгыш ясап, максималь күләмдә баллар җыйган.

Конкурста катнашучыларның барсына да Башкортстан Республикасы Мәгариф һәм фән министрлыгы  грамоталары тапшырылган, ә җиңүчеләр “Офык” республика балалар ял лагерена “Барыбыз бергә!” инклюзив сменага юлламалар белән бүләкләнгән.

Светлана Шириня әзерләде.