Бердәм тавыш бирү көнендә республикада бер үк вакытта 218 кампания узачак.

Башкортстан Башлыгын сайлауларда биш парламент партиясеннән 5 кандидат катнашачак. 4 кандидат Уфаның бер мандатлы 54 нче  округы буенча Дәүләт җыелышы-Корылтайга өстәмә сайлауларда депутатлык мандатына дәгъва итәләр.

Шәһәр, район һәм авыл советлары депутатларын сайлауларда 4 474 кандидат катнаша, шул ук вакытта 1772 мандат  алмаштырыла – уртача конкурс бер мандатка 3 кеше.

Сайлаучыларның  сайлау мөмкинлеге бар – тавыш бирүдә 10 партиядән вәкилләр һәм үзләрен үзләре күрсәтүчеләр бар. Сайлауга төрле карашлы кандидатлар теркәлгән.