Шәһәр биләмәсе башлыгы сайланды

Шушы көннәрдә алтынчы чакырылыш Бәләбәй шәһәре биләмәсе Советының беренче утырышы узды. Яңадан сайланган депутатлар “Башкортстан Республикасы Бәләбәй районы муниципаль районының Бәләбәй шәһәре биләмәсе башлыгын – Башкортстан Республикасы Бәләбәй муниципаль районының Бәләбәй шәһәре биләмәсе Советы рәисен сайлау турында”гы мәсьәләне карадылар.

“Русия Федерациясендә урындагы үзидарәне оештыруның гомум принциплары турында”гы 131 нче Федераль Законның (06.10.2003) 36 нчы статьясының 2 нче өлешенә, ”Башкортстан Республикасында урындагы үзидарә турында”гы 162--з нчы Башкортстан Республикасы Законының 11.4 нче статьясы 2 нче өлешенә һәм Башкортстан Республикасы Бәләбәй муниципаль районының Бәләбәй шәһәре биләмәсе Уставының 19 нчы статьясы 2 нче өлешенә ярашлы, БР Бәләбәй муниципаль районының шәһәр биләмәсе Советы карар итте: Башкортстан Республикасы Бәләбәй районы муниципаль районының Бәләбәй шәһәре биләмәсе башлыгы – Башкортстан Республикасы Бәләбәй муниципаль районының Бәләбәй шәһәре биләмәсе Советы рәисе итеп 3 нче сайлау округыннан депутат Низаев Ришат Риф улын сайларга.

Утырышны депутат Николай Сергеев алып барды.

Любовь Иванова әзерләде. Елена Петрова фотосы.