Республиканың спорт казанышлары

1. Төбәктә физкультура һәм спорт белән системалы рәвештә 2,175 миллион кеше шөгыльләнә (халыкның 60 проценты);
   
   2. 2018 елда спортны финанслау 4,4 млрд сум тәшкил иткән, хәзер – 10,2 млрд.
   
   3. Башкортстанда 13 363 спорт корылмасы бар. Объектлар саны буенча без Мәскәү һәм Мәскәү өлкәсеннән соң 3нче урында;
   
   4. Узган елда берничә эре спорт объекты ачылды, алар арасында Уфада - ябык футбол манежы, шулай ук Өлфәт Мостафин исемендәге спорт әзерлеге үзәге, Октябрьскийда - Боз аренасы;
   
   5. Быел, шулай ук, Ишкәкле слалом комплексы, Көрәш сарае һәм Фехтование үзәге, Уфада «ФИЗРА-Д» һәм «ФИЗРА-Р» ФОКлары, Нефтекамада бассейнлы һәм уен залы булган «Амфибия» спорт үзәге ачылды;
   
   6. Тагын 11 эре спорт объекты төзелеше дәвам итә;
   
   7. Былтыр республика спортчылары төрле дәрәҗәдәге 3 382 медаль яулады;
   
   8. Узган елда 759 спортчы һәм тренер зур ярышларда җиңүләре өчен 44,7 млн сум күләмендә түләүләр алды;
   
   9. 2020 елдан башлап Русиядә беренче тапкыр Башкортстанда "Авыл тренеры" проекты старт алды. Программа буенча авыл тренерларына 1 миллион сум акча бирелә;
   
   10. Бүген бездә эшләнеп гамәлгә кертелгән «Авыл тренеры» программасы, иң яхшы практикаларның берсе буларак, илнең 20дән артык төбәгенә таратылды.

"кызыл таң"нан