Хезмәтенә күрә – хөрмәте!

Уфада Авыл хуҗалыгы һәм эшкәртү сәнәгате хезмәткәрләре көненә багышланган тантана узды. Бу көнне республиканың иң яхшы аграрийлары – дәүләт наградалары алучылар арасында Бәләбәй районы вәкилләре дә булуы шатландыра.

К. Иванов исемендәге кооперативның баш зоотехнигы Геннадий Анисимов “Башкортстан Республикасының атказанган авыл хуҗалыгы хезмәткәре” мактаулы исеменә лаек булды.

“Башкортстан Республикасының атказанган азык-төлек сәнәгате хезмәткәре” мактаулы исеменә лаек булдылар: “Бәләбәй “Почет билгесе” орденлы сөт комбинаты” җәмгыятенең әйдәүче инженер-микробиологы Валентина Борисова, шушы ук предприятиенең казанлык участогы начальнигы Мадарик Садретдинов, шулай ук “Башспирт” җәмгыяте Бәләбәй филиалының алкогольле продукция бүлү цехы азык-төлек продукциясе җитештерү линиясе операторы Гөлфия Лысенкова.

Сөт комбинатының автотранспорт цехы директоры Сергей Левашов “Башкортстан Республикасының атказанган транспорт хезмәткәре” мактаулы исеменә лаек булды.

Башкортстан Республикасының Почет грамоталары белән бүләкләнделәр: “Бәләбәй “Почет билгесе” орденлы сөт комбинаты” җәмгыятенең казначейство бүлеге начальнигы Татьяна Тудейкина, сөт комбинатының матди -техник тәэмин итү бүлеге начальнигы Радик Авзалов, шушы ук предприятие май язучысы Марина Богомолова, “Линда” агрофирамсы” җәмгыяте технологы Гөлчәчәк Фәрхетдинова.

Һөнәри бәйрәм хөрмәтенә югары наградалар алган якташларыбыз – туган хезмәт коллективларының һәм районның горурлыгы!

Римма Солтанова әзерләде.