“Гаилә – күңел хәзинәсе”

Чарада “Акчарлык” оешкан көннән аның актив әгъзалары булып киткән сәхнә ветераннары – тамашачыларның сөюен яулаган  коллектив солистлары, матур гаилә пары  Нәфисә белән Айрат Әхмадуллиннарга  хөрмәт күрсәтелде.

Алар ничек гаилә коруларын, күңелле хатирәләрен сөйләделәр, озак  бер-береңне аңлап яшәүнең серләрен уртаклаштылар, гаиләне саклау, бер-береңне хөрмәт итеп яшәү җәһәтеннән яшьләргә киңәшләр бирделәр.

Күңелле очрашу хөрмәтле Әхмадуллиннар парына чәчкәләр, бүләк тапшыру, бәйрәм өстәле артында бергәләп чәй эчү белән тәмамланды.

Зәйфә Салихова әзерләде.