Илфак – кояш, мәңге сүнмәс кояш!

Аның турында остазы, Башкортстанның һәм Русиянең атказанган сәнгать эшлеклесе Миләүшә Мортазина сүзләре белән әйткәндә: “Илфак Смаков – гасыр җырчысы! Кабатланмас җырчы! Аның кебек бөек сәләтләр бик сирәк туа. Югарыдан, Аллаһы Тәгаләдән бирелгән кебек ул. Ә йолдызлар белән чагыштырганда, Илфак – кояш, мәңге сүнмәс кояш! Андый пландагы икенче җырчы бездә әлегә юк”.
 Чыннан да, Илфак Смаков исеме халыкта үлемсез. Туган авылы Рапаттагы Мәдәният йорты аның исемен йөртә, җырлары радио-телевидениедән яңгырап тора. Аның башкаруында популяр “Җиз кыңгырау моңнары”н тыңлаган саен тыңлыйсы килә. Каберендәге һәйкәле дә үзенчәлекле диләр.

Зәйфә Салихова .