Белоруссия зубрларының беренче партиясе Башкортстанга 2023 елның язында алып кайтылды. Күптән түгел тагын бер көтү алып кайтканнар. Республикабыз аларны бик үк ягымлы каршы алмады. Нәкъ менә соңгы ике елда Башкортстанда һава торышы аномалияләр белән аптыратты: йә эсселек , йә салкын булды, коеп яңгырлар яуды. Әмма табигый парк белгечләре сөйләвенчә, хайваннарның яңа йортларына ияләшүләрендә проблемалар килеп чыкмаган. Кыргый табигатьтә меңнәрчә еллар яшәү дәверендә формалашкан эволюцион тотрыклылык зубраларга төрле шартларга җиңел яраклашырга мөмкинлек бирә икән.
Барлык зубрлар бер көтүгә берләшкәннәр, аларның башлыгы булып олы яшьтәге ана зубр тора. Ул көтүен ертычлардан саклар өчен, аларны үзе белгән юл белән генә йтә. Әлегә зубрларның табигый паркның башка яшәүчеләре белән күрешеп, конфликтка низагка кергәннәре булмаган. Кыргый табигатьтә аларның аю һәм бүреләрдән башка дошманнары юк, әмма бу җирле урман хуҗалары әлегә аларга һөҗүм итәргә курка. Бу хәл булган очракта да, көтүнең күмәк көче, көчле тояклары һәм хайваннарның гаять зур гәүдәләре үз-үзләрен саклауда ярдәм итәргә тиеш.
Ачыкланганча, Башкортстандагы бу зубрлар көтүенең инде 5 бозавы бар.
Фото:rg.ru