"Ике телдәгесен дә алдырабыз"

Аңа бу юлы кечкенә приз – шикәр савыты чыккан икән. Халык әйтмешли, дөя дә бүләк, энә дә бүләк. Аның каравы 2023 нче елда "Белебеевские известия" га язылганнар арасында призлар уйнатканда, Рафаел Наил улы итүткәргеч откан булган.

 – Мясорубка бик әйбәт булды, бүгенгә кадәр аны кулланабыз, рәхмәт, – ди ул.

Бәләбәйдә яшәүче  китап, гәзит укырга яраткан  Хөснетдиновлар гаиләсе ел саен басманың ике телдәгесенә дә язылалар, укыйлар. Безнең йортта яшәүчеләрнең сирәге генә гәзит алдыра, ә без –  гомер буе, әни  дә гел алдырды, ди ул.

 – Сез туган телдә бик әйбәт сөйләшәсез, – дип ислим мин.

 – Бщй, татарлар бит без.Тумышым белән Аксаковтан, әнием Рәшидә  татарча гына сөйләште, бәләкәйдән телем  татарча ачылды. Русчага күчәргә форсат булмады (елмая) –  Гөлшатка өйләндем, ә ул татар теле белгече –   хаклы ялга чыкканчы Бәләбәй татар гимназиясендә татар теле һәм әдәбиятыннан укытты. Ана теле безнең гаиләдә  иң хөрмәтле тел!  – ди Рафаел Наил улы.

Саубуллашканда ул "Бәләбәй хәбәрләре" дә атна саен чыксын иде дигән теләген дә белдерде.

Газетабызның Хөснетдиновлар шикелле дуслары, даими укучылары булуы нинди күңелле!

Зәйфә Салихова.

Регина Иванова фотосы