Сократча өч иләк (Гыйбрәтле хикәят)

 – Өч иләк аша?

– Нәрсә дә булса әйтер алдыннан аны өч иләк белән иләргә кирәк. Башта дөреслек иләге аша үткәрергә. Син ул әйткән сүзнең дөреслегенә ышанасыңмы?

 – Юк, мин аны ишеттем генә.

 – Димәк, аның дөресме-түгелме икәнен син белмисең. Ул чагында икенче иләк аша үткәрик. Икенче иләк – изгелек иләге. Син минем дусым хакында ниндидер яхшы нәрсә әйтмәкчесеңме?

 – Юк, киресенчә.

 – Димәк, – дип дәвам итте Сократ, – син аның турында ниндидер начар сүз әйтергә телисең, ә үзең аның дөреслегенә икеләнәсең.

Инде өченче иләккә килик. Анысы – файда иләге. Син сөйләргә теләгән нәрсә миңа бик кирәкме?

 – Юк, аның бер кирәге дә юк.

 – Шулай итеп, – дип йомгак ясады Сократ ,– син әйтергә теләгән сүздә дөреслек тә, яхшылык та, файда да юк. Ул  чагында нигә әйтергә?

Ачык чыганактан.