"Авыл фельдшеры" программасы буенча 33 табибка 500 мең сум акча түләнә

"Башкортстанда авыл биләмәләре байтак, халыкка медицина ярдәме бик кирәк.Без авыл медицинасы өчен күп эшләр башкардык һшм моны дәвам итәбез. Тоташ республикада 500 фельдшер-акушерлык пунктын, 10га якын участок дәваханәсен һәм амбулаториясен яңарттык. Әмма иң мөһиме – анда эшләгән хезмәткәрләр.  Бездә "Авыл табибы/ Авыл фельдшеры" федераль пррограммасы гамәлгә ашырыла, авыл дәваханәләренә эшкә кайткан медикларга финанс ярдәме күрсәтелә. Республикада исә ФАПларга исәпләнгән үзебезнең "Авыл фельдшеры" программасы эшләп килә", – дип язды республика җитәкчесе социаль челтәрдәге сәхифәсендә.