"Сәламәтлек поезды" эшен дәвам итә

***

21 июльдә ул Малиновка авылында булды. Авылда яшәүчеләрне фельдшер-акушерлык пунктында кабул иттеләр. Авыфл мәдәният йорты алдангы мәйданда күчмә  маммограф, флюорограф һәм мобильле фельдшер-акушерлык пункты урнаштырылды. "Сәламәтлек поезды" табибларында 70ләп кеше тикшеренә алды.

 Элина Габидуллина:

 – Авыл кешеләре ФАПка анализлар бирергә иртәнге 8дә үк килделәр. Табиблар эше һәм чират көтү өчен уңайлы шартлар булдырылды: эскәмияләр, утыргычлар куелды. Белгечләр үз эшләрен грамоталы һәм такт белән башкардылар. Тикшеренүчеләр арасында анык белгечләргә кабул итүгә эләгергә теләгәннәр арасында башка җирдән килүчеләр дә булды.

***

Икенче көнне, 22 июльдә, "поезд" Баженово авылына килде. Табиблар шулай ук авылның фельдшер-акушерлык пунктында кабул  иттеләр. 70тән артык кеше төрле тикшерүләр үтте. Иң таләп ителгәне флюорография булды, аны 71 кеше үтте.

Римма Савельева, урындагы ФАП акушеркасы:

 – Медосмотр яхшы оештырылган иде, белгечләр халыкны квалификацияле кабул итте. Яшәүчеләр канәгать калдылар, әмма алдагы акцияләрдә башка белгечләрнең дә – уролог, лор һ.б.  катнашуын теләделәр, калкансыман бизгә һ.б. УЗИ ясау мөмкинлеге булсын иде, диделәр. Әйткәндәй, халык күбрәк тә килер иде, әмма 22 июльдә пенсия китерделәр һәм бөтен  өлкәннәр дә "Сәламәтлек поезды"на килә алмады.

23 июльдә "поезд" М. Горький исемендәге токымчылык заводы үзәк усадьбасы авылында булды.

Алсу Фәизова.

Фотолар  Э. Габидуллинадан.