Җәй исе бөркелеп тора

Мәдәният йортының мәдәният оештыручысы Маргарита Гордеева чәчкәләр турында лекция үткәрде, аларның символикасын, тарихын һәм төрле мәдәниятләрдә әһәмиятен бәян итте. Чарада катнашучылар аерым бер чәчкәләрнең хис-тойгылар белдерә алуын, нигә аларның йолаларда, бәйрәмнәрдә еш кулланылуын белделәр.

Программа барышында балалар мавыктыргыч сәнгать – панно үрү белән таныштылар.

 – Үләннәрдән, чәчкәләрдән, төрле үсемлекләрнең яфракларыннан матур әйберләр ясау – борынгы сәнгать, ул бүген дә популяр, – дип сөйләде Маргарита Петровна.

Композиция эшләү өчен кыр һәм болын үләннәре җыелды. Балалар җыелган материалдан  ”келәм” эшләүдә бик теләп катнаштылар. Панно чагу, матур килеп чыкты, гүя җәйге кәефнең үзе төсле.

 – Табигать белән аралашып, балалар аның матурлыгын бәяләргә, тирә-як мохиткә сак карарга өйрәнәләр, – дип билгеләде мәдәният хезмәткәре.

Светлана Прокофьева. Фото Ермолкино мәдәният йортыннан.