-24 °С
Болытлы
Барлык яңалыклар
Новости
31 октябрь , 08:30
Күз тимәсен сиңа, Бәләбәй!
Бүген Халыкара шәһәрләр көне. Безнең илдә барлыгы 1 110дән артык шәһәр исәпләнә, аларның саны үзгәреп тора. Шушы уңайдан республиканың “Юлдаш” радиосы иртән тыңлаучыларга: “Сезнең өчен иң уңайлы, яхшы шәһәр кайсысы?” – дигән сорауга җаваплар алды. Башкортстанда булган 21 шәһәрнең күбесен яңгыратты тыңлаучылар. Әлбәттә, иң уңайлы, иң матур шәһәр ул башкалабыз Уфа дип әйтүчеләр шактый булды.
Күз тимәсен сиңа, Бәләбәй!
Ә шулай да һәркем өчен үзе яшәгән төбәк, үз шәһәре – иң якын, иң уңайлы, иң яхшы. Шәхсән минем өчен ул – 1781 елдан ук өяз шәһәре буларак барлыкка килгән Бәләбәй. Ни өченме? 60 мең генә кеше яшәгән Бәләбәйнең үз тирән тарихы, үз хезмәт юлы, үз яшәү рәвеше, үз йолалары, үз йөзе, үз җыры бар. Район, республика гына түгел, зур илебез халкы йөрәгенә җуелмаслык итеп язып калдырган зур шәхесләре бар. Шул шәхесләр, шулай ук бүгенге тырыш, мәгърифәтле, эшчән халкы үрнәгендә иртәгәсе көнгә ышаныч тудыручы яшьләре, яшь буыны бар.
Әйе, Бәләбәй, зур шәһәр түгел, әмма алтын зур булмый, дигән әйтем нәкъ бу очракта аның турында әйтелгән төсле. Халкы нинди – шәһәре шундый: бездә күпмилләтле, тыйнак, уңган-булган, талантлы, изге күңелле – алтынга тиң халык яши.
Күңелем эзләгән
Халкым моңы серен
Чишмәләрең җырлый, Бәләбәй.
Күңелең әй изге,
Кочагың ай иркен
Күз тимәсен сиңа, Бәләбәй!
Зәйфә Салихова.
Новости партнеров