-21 °С
Болытлы
Барлык яңалыклар
Новости
10 ноябрь , 13:00
«Изге Болгар җыены - 2026» май уртасында узачак
Татарстан Министрлар Кабинеты 922 елда Идел буе Болгар дәүләтендә рәсми рәвештә Ислам динен кабул итү көненә багышланган «Изге Болгар җыены-2026» чарасына әзерлек планын раслады. Чара 16-17 май көннәрендә узачак. Бу хактагы карар Татарстан хокукый мәгълүмат порталында чыкты.
«Изге Болгар җыены - 2026» май уртасында узачак
Документта чара программасы өлешчә ачыла. Болгар музей-тыюлыгы территориясендә халык кәсебе эшләнмәләре ярминкәсе, «ислам» темасына лекцияләр, шул исәптән намаз дәресләре, хатын-кызлар өчен яулык бәйләү һәм ир-атлар өчен татар чалмасы бизәү буенча мастер-класслар үткәрү планлаштырыла.
Гарәп каллиграфиясе белән кызыксынучылар өчен «язу тарихы» интерактив мәйданчыгы оештырыла, анда килүчеләр бу сәнгать техникасының технологиясен өйрәнә алачак.
Фото: © «Татар-информ», Салават Камалетдинов
Татар-информ.
Новости партнеров