Кечкенә боксчылар – зур җиңүләр

Бу беренчелектә “Чемпион” спорт мәктәбе укучылары аерым урын алды. Балалар лаеклы нәтиҗәләр күрсәтеп, рухи көчләрен һәм җиңүгә омтылышларын күрсәттеләр.

14 катнашучы арасында 32 кг авырлык категориясендә 10 яшьлек Александр Халтурин турнирның бронза призеры булды. Аның тырыш хезмәте аңа мактау пьедесталына күтәрелү һәм лаеклы бүләк яулау мөмкинлеге бирде.

Ярослав Петров һәм Роман Громов ярымфиналга чыга алмасалар да,  чыгышлары аерым игътибарга лаек. Ике спортчы да 2012 елгы катнашучылар арасында икешәр киеренке көрәш уздырды, әмма икенче стадиягә чыгу өчен көрәштә көндәшләренә оттырды. Шуңа да карамастан, егетләр әйтүенчә, алар кыйммәтле ярыш тәҗрибәсе алганнар, бу, һичшиксез, киләчәктә уңышларга ирешергә өчен нигез булачак.

Спортчылар тренер-укытучы Игорь Александрович Пименов җитәкчелегендә шөгыльләнәләр. Ул аларны әзерләүгә күп көч сала, вакытын кызганмый.

"Без спортчыларыбызның уңышлары белән горурланабыз. Һәр көрәш – боксчыларга үсәргә, остарырырга  ярдәм итүче  дәрес, дип саныйм. Спортчыларга хезмәтләре һәм тырышлыклары өчен рәхмәтлемен. Киләчәктә алар тагын да югарырак нәтиҗәләр күрсәтерләр дип ышанам», – дип аңлатма бирде Игорь Александрович.

Регина Иванова

И. Пименов фотолары