Башкортстанда коточкыч һәлакәттә дүрт кеше һәлак булган

Кичә иртә белән Чишмә-Аксеново – Кыргыз- Миякә юлының 105 нче чакрымында өч автомобиль: «ВАЗ-2110», «Мазда CX-5» һәм Howo йөк машинасы катнашында үлемгә китерүче юл-транспорт һәлакәте булган.

Башкортстан ЮХХДИ матбугат хезмәте хәбәр иткәнчә, Әлшәй районында яшәүче 1985 елгы кеше Howo йөк машинасы белән идарә иткән һәм Чишмә ягыннан Кыргыз-Миякә авылы ягына барган. Әлегә билгесез сәбәп аркасында йөк машинасы борылган.

Бу вакытта каршы як полоса буйлап 1982 елгы Бәләбәй кешесе идарә иткән «ВАЗ-2110» килгән булган. Машиналар бәрелешкән. Җиңел машина артыннан «Мазда» бара, аның руле артында 1970 елгы Бәләбәй кешесе була. Ул хәлгә җавап бирергә өлгермәгән һәм шулай ук юл-транспорт һәлакәтенә эләккән.

Якынча  мәгълүматлар буенча, барсы да санаулы секундлар  эчендә булган.

Бәрелүдән «ВАЗ-2110» дан өч кеше һәм «Мазда» пассажиры ашыгыч ярдәм килгәнче үк үлгән. «ВАЗ-2110» дан машина йөртүче, аның 1962 елгы пассажиры һәм 1963 елгы пассажиры һәлак булган. Беренчел мәгълүматлар буенча, туганнан туган энесе апасы белән абзасын Дәүләкәнгә алып барган.

«Мазда» да 1987 елгы пассажир вафат була. Аның ире авыр җәрәхәтләр белән хастаханәгә китерелгән. Шулай ук госпитализация җитди зыян күргән машина йөртүчегә һәм аның хатынына (чит ил машинасыннан)  кирәк булган.

Җиңел машиналар Бәләбәй районыннан Дәүләкәнгә таба хәрәкәт иткән.  Алар барсы да яллардан соң эшкә ашыкканнар, күрәсең. Әмма үз полосалары буйлап баралар -бәрелешү урынына 200 метр кала "узып китү тыелган" билгесе куелган.

Хәзер ЮХХДИ хезмәткәрләре булган хәлнең сәбәпләрен һәм шартларын ачыклый.