0 °С
Болытлы
Барлык яңалыклар
Новости
6 гыйнвар , 13:00
Яшь патриотлар тәрбияләүгә кушылды
"Сугышта «мин» сүзе юк – СВО ветераны, отставкадагы өлкән прапорщик Рөстәм Мирсаев турындагы мәкалә шулай аталган иде. “Макс” кушаматлы хәрби ил мәнфәгатьләрен яклауга китте. Ул йөзгә-йөз заманча сугыш дәһшәтләре, сугышчан дусларын һәм туган энесен югалту белән очрашты... Яраланганнан соң реабилитациягә озатылды, ә аннары сәламәтлеге торышы буенча СВОга кире кайта алмады.
Яшь патриотлар тәрбияләүгә кушылды
Рөстәм Ринат улы яшь патриотлар тәрбияләү эшенә актив кушылды: ул мәктәп укучылары һәм көллият студентлары белән очраша, фронтта ниләр кичерергә туры килүе, яшь сугышчыларның батырлыклары һәм Ватанны саклау буенча ир-егетләр миссиясен үтәү турында ачыктан-ачык сөйли.
Ул полкташлары, сугышчы-якташлары белән даими элемтәдә тора, аның хәрби тәҗрибәсенә ихтыяҗ бар.
"Үз Ватаныңны саклау – ир-ат бурычы! Илне, әнине, әтине һәм барлык якыннарыңны яклаудан оялырга кирәкми", – дип үгетли егетләрне Рөстәм Мирсаев.
Сез бу кызыклы кеше белән газета битләрендә тагын очрашырсыз әле.
Любовь Иванова
Фото редакция архивыннан
Новости партнеров