Районның иң яхшы тәрбиячесе исеме өчен көрәш башланды

Конкурста 3, 14, 17, 26, 27, 29, 35, 39, 40 нчы санлы балалар бакчаларыннан тугыз тәрбияче катнашты

«Авторлык педагогик табышы» дип аталган беренче сынау катнашучыларга иҗади сәләтләрен күрсәтү мөмкинлеге бирде. Педагоглар үз инновацион идеяләрен, технологияләрен һәм методик алымнарын тәкъдим иттеләр, тәрбиячеләр аларны балалар белән көндәлек эштә уңышлы кулланалар.

Конкурсның чираттагы этабы – “Балалар белән педагогик чара". Конкурсантлар дәресләр үткәрәчәкләр һәм үз осталыкларын тәрбияләнүчеләре белән бергәләп күрсәтәчәкләр.

Алсу Фәизова әзерләде.

Фотолар мәгариф идарәсеннән.