Боз һәм кар катламнары сезоны уяулык таләп итә

Бу чорда зур боз кисәге корбаны булу ихтималы зур. Мондый хәлләрдән качу өчен, Гадәттән тыш хәлләр буенча БР Дәүләт комитеты инструкторы Радик Төхвәтуллин бәләбәйлеләргә гади хәвефсезлек кагыйдәләрен үтәү турында искә төшерә.

1. Кар килеп төшә торган биналарның түбәләренә якын килмәгез, балаларга мондый урыннарда торырга рөхсәт итмәгез.
2. Куркыныч урында киртә, кисәтү тасмасы, табличкалар булганда, киртә артына керергә тырышмагыз, куркыныч урынны башка юл белән урап узыгыз.
3. Түбә кырыеннан кар, бозсөңге төшкәннән соң, кар һәм боз түбәнең калган өлешләреннән дә төшәргә мөмкин. Әгәр тротуарда элегрәк төшкән кар эзләре яки боз кыйпылчыклары күренсә, бу урынның куркыныч булуын күрсәтә.
4. Әгәр тротуар буйлап барганда югарыда шикле шау-шу ишетсәгез, туктамагыз, башыгызны күтәрмәгез һәм анда нәрсә булганын карамагыз. Бәлки, бу кар яисә боз кисәге төшүедер. Бинадан качмагыз, мөмкин кадәр тизрәк стенага сыеныгыз — түбә козырегы ышык урын булыр.
5. Урам буйлап колакчын киеп йөрмәгез – сез түбәдән яуган кар тавышын ишетмәссез.
6. Әгәр дә түбәдән егылып төшү яки кар аркасында кеше зыян күргән икән, ашыгыч ярдәм чакыртырга кирәк.

Биналар янында игътибарлы һәм сак булыгыз!

Исегездә тотыгы, сезнең хәвефсезлек – сезнең кулда. Коткару хезмәтенең бердәм телефоны -112.

Регина Иванова әзерләде.