Укучылар язучы Рудольф Павлов белән очрашты

Укучылар башта Бөтендөнья шигърият көненең ничек барлыкка килүе, аның әһәмияте һәм максатлары турында белделәр.

Әдәби чараның кунагы язучы, Халыкара язучылар берлеге әгъзасы, Чуваш Республикасы Язучылар берлеге әгъзасы, запастагы подполковник Рудольф Матвеевич Павлов белән очрашу булды.

Рудольф Матвеевич яшь тыңлаучыларга шигъри осталык серләре һәм нәфис сүз нечкәлекләре белән уртаклашты. Ул мәңгелек мәхәббәт һәм туган ягының кабатланмас матурлыгына багышланган күңелгә үтеп керерлек шигырьләр укыды.

Программа азагында теләгән һәркем Рудольф Павлов белән шәхсән аралашты. Балалар, язучы янына килеп, үзләрен кызыксындырган, тормыш юлына һәм, әлбәттә инде, шигърияткә кагылышлы сораулар бирделәр. Шулай ук укучылар аның китапларын белән таныша алдылар

Алсу Фәизова әзерләде.

Фотолар 8 нче мәктәптән.