Бәләбәй районында баскетбол йолдызлары булды

Уфаның «Динамо» баскетбол клубы үзенең "Бәйләнештә" рәсми берләшмәсендә оештырган «Динамо» сезгә килә!» конкурсында "Стимул"ның җиңүе, Бәләбәй районына күренекле спортчыларның килүенә сәбәпче булды. Тавыш бирүдә катнашкан 20-дән артык муниципалитет арасында Бәләбәй районы 2 нче урын алды. Төп приз сыйфатында «Динамо-2» командасы «Стимул» спорт мәктәбе тәрбияләнүчеләрен куандыру өчен Приют биләмәсенә юлланды.

Урындагы укучылар һәм спортчылар өчен бу чын бүләк булды. Балалар профессиональ спортчылар белән аралашу, аларга кызыксындырган сорауларын бирү, истәлеккә фотога төшү һәм автографлар алу мөмкинлегенә ия булды. Соклану һәм илһам халәте хакимлек итте, чөнки аларның күбесе өчен «Динамо-2» спортчылары чын кумирлар һәм үрнәк булып тора.

Очрашу күңелле сюрпризларсыз үтмәде. Капитан Динар Латипов кулларыннан Приют "Стимул" командасы спорт формасы комплекты алды.

Уфалылар белән урындагы спортчылар арасындагы иптәшләрчә матч сәфәрнең иң югары ноктасы булды. Бу очрашу яшь спортчылар өчен кыйммәтле уен тәҗрибәсе алу һәм профессионалларның осталыгын күрү өчен бик яхшы мөмкинлек булды.

Регина Иванова.
Елена Петрова фотолары.