Бәләбәй икмәге Азияне яулый

Икмәк пешерү, кондитер җитештерү тармакларын, шулай ук чәй һәм кофеның катнаш индустрияләрен үз эченә алган чара май ахырында Шанхайдагы Милли күргәзмә һәм конференц-үзәктә узды.

Диләрә Мөхәрәм кызы сәяхәт турында тәэсирләре белән уртаклашты:

"Без Башкортстанны күрсәтүгә иҗади якын килергә булдык: киемнәребезгә республика картасын урнаштырдык. Һәм бу шәп булды! Безнең белән аралаштылар, Башкортстан, аның традицияләре белән кызыксындылар. Мондый ихлас кызыксынуны тою шатлыклы булды – бу яңа идеяләргә илһамландыра”.

Күргәзмә ачылышында Русия икмәк пешерүчеләр берлеге тарафыннан киселгән тасма хәзер Бәләбәйгә кайтачак һәм «Безнең икмәк» музеенда сакланачак. Бу компания  килүчеләргә сөйли алачак тагын бер вакыйга.

Күргәзмә вакытында җиһазлар китерүгә беренче контрактлар төзелде. Бу төбәк продуктын алга таба колачлаштыру өчен экспорт производствосын эшләтеп җибәрергә мөмкинлек бирәчәк. Диләрә Мөхәрәм кызы, дөрес рецептура белән бу милли колоритны чагылдырган уникаль камыр ризыклары ясарга мөмкинлек бирәчәк, дип билгеләп үтте.

Кытайга бару эшлекле элемтәләр урнаштыру һәм озак вакытлы заказларга чыгу өчен файдалы булды. Төп җиһазлардан тыш, компания банкет киңлегендә чәй тантаналарын уздыру өчен чәйнең билгеле бер сортларын сатып алырга ниятли.

“БХ” белешмәсе

Bakery China – Азия-Тын океан төбәгендә иң эре B2B-икмәк пешерү һәм кондитер индустриясе өчен мәйданчык. Күргәзмә 1997 елдан бирле үткәрелә һәм җитештерүчеләрне, ингредиентлар белән тәэмин итүчеләрне, технологик компанияләрне, дистрибьюторларны һәм HoReCa вәкилләрен җыя. Bakery China продукция җитештерүнең барлык чылбырында катнашучыларны берләштерә, икмәк пешерү индустриясе өчен бердәм эш тирәлеген булдыра.

Эльвира Каһирова, «Минем бизнесым» үзәгенең Бәләбәй шәһәрендәге бүлекчәсе җитәкчесе