Янә уңыш! Бәләбәй боксерлары булдыра!

Бәләбәй «Чемпион»спорт мәктәбе спортчылары лаеклы чыгыш ясадылар. Югары категорияле тренер‑укытучылар Иван Игольников һәм Александр Силантьев җитәкчелегендә балалар ярышларга ныклап әзерләнделәр – һәм тырышлыклары бушка үтмәде.

2008-2009 елгы яшүсмерләр өчен бу чыгыш аеруча уңышлы булды. Артем Ревенко үз яшь һәм авырлык категориясендә лаеклы рәвештә беренче урынны яулады. Кече яшьтәге яшүсмерләр дә шундый  нәтиҗәләр күрсәттеләр. 2014-2015 елгы категориядә «Чемпион» ның өч укучысы пьедесталның өченче баскычына күтәрелде: Артем Долгих, Родион Скворцов һәм Марсель Якупов.

2012-2013 елгы яшь төркемендә Инсаф Гарипов һәм Алексей Игольников бронза медальләргә лаек булдылар.

Тренерлар сүзенә караганда, бәләбәйлеләрнең чыгышлары грамоталы тактика һәм яхшы физик әзерлек белән аерылып торды – бу аларга көчле көндәшләре арасында уңышка ирешергә мөмкинлек бирде.

Регина Иванова әзерләде. «Чемпион» мәктәбе фотолары