Александр Иванов – Русиянең иң яхшы гер күтәрүчеләре арасында

Чемпионат бөтен илдән әлеге спорт төренең иң көчле вәкилләрен җыйды. Турнирда 40тан артык төбәктән иң яхшы гер күтәрүчеләр катнашкан.

 «Чемпион» Бәләбәй спорт мәктәбеннән чемпионатта ике өметле атлет: Александр Иванов һәм Егор Цюпко чыгыш ясарга тиеш булган. Ике спортчы да зона турнирларында уңышлы чыгыш ясап, шундый югары дәрәҗәдә чыгыш ясау хокукына ия булганнар. Кызганычка каршы, Егор Цюпко җитди сәбәпләр аркасында ярышларда катнаша алмаган.

Александр Иванов  мондый дәрәҗәдәге чемпионатта беренче мәртәбә катнаша.. Дулкынлануына һәм көндәшлек югары булуга карамастан, Бәләбәй егете искиткеч нәтиҗә күрсәткән: 32 кг-лы 2 герне г 104 тапкыр эткән!

«Бу старт гомерем буена истә калачак, - дип тәэсирләре белән уртаклаша Александр. - Һәр катнашучы - чын баһадир. Дулкынлануны җиңү җиңел булмады, ләкин мин игътибарымны техникага  юнәлтергә тырыштым. Бу тәҗрибә бәяләп бетергесез: икенче тапкыр тагын да югарырак күтәрелү өчен нәрсә өстендә эшләргә кирәклеген мин хәзер төгәл аңлыйм».

Александрның уңышка ирешүендә  «Чемпион» спорт мәктәбе тренерлары Ирина һәм Винер Абзаловларның өлеше зур.

Регина Иванова. Фото спортчы архивыннан.