Талпаннар йокламый: уяу булыгыз!

Район үзәк хастаханәсенең оештыру-методика бүлеге мөдире Ришат Низаев урманнарда, паркларда һәм башка яшел зоналарда булганда сак булырга кирәклеген  сөйләде:

"Талпаннар елның җылы вакытында, бигрәк тә май һәм июньдә актив. Репеллентлар кулланыгыз, озын җиңле ачык төстәге кием киегез, чалбар балакларыгызны оекбашка тыгыгыз,  табигатьтә йөргәннән соң үзегезне һәм якыннарыгызны даими  талпаннар булу-булмауга тикшерегез».

Әгәр  талпан тапсагыз, аны алып ташларга тырышмагыз. Аны алу һәм инфекция булу-булмауга анализ ясау өчен кичекмәстән медицина учреждениесенә мөрәҗәгать итегез. Тикшерү  һәм  Талпан кадалганда  каралу  һәм киңәш алу өчен Бәләбәй үзәк хастаханәсе хирургия комплексының кабул итү бүлегенә мөрәҗәгать итәргә була. Адресы: Бәләбәй, Певолюционерлар урамы., 15.

Үзегезне һәм якыннарыгызны талпан тешләүдән саклау өчен гади, ләкин мөһим чаралар күрергә онытмагыз. Игътибарлы һәм сак булыгыз, җәй күңелсез хәлләрсез узсын!

Регина Иванова әзерләде