Башкортстанда 5,8 меңгә якын кешене талпан тешләгән

Һәрвакыттагыча, аларның өчтән бере – балалар. Идарәдә талпаннардан зыян күрүчеләр быел азрак дип билгеләделәр. Узган ел июль башында инде 8,65 меңнән артык зыян күрүче булган, ә сентябрь ахырына 10 меңгә җиткән. Санитар табиблар «табигатькә» чыкканда куллар –аяклар -башны әйбәтләп кием белән капларга һәм үзеңне репеллентлар белән эшкәртергә кирәклеген искә төшерделәр.

"Башинформ"