+13 °С
Облачно
Новости
17 Августа , 11:40
Бәләбәй боксчысы төбәкара ярышларда җиңүче булды
11-16 август көннәрендә Соль-Илецк шәһәрендә халык мәгарифе отличнигы, Бөек Ватан сугышында катнашучы И.С. Шишкин истәлегенә багышланган бокс буенча XXIII төбәкара ярышлар узды. Турнир Русиянең төрле төбәкләреннән һәм Казахстаннан 94 боксчыны җыйды.
Ярышларда Башкортстан, Татарстан, ХМАО, Мәскәү, Оренбург һәм Чиләбе өлкәләреннән спортчылар катнашты. Безнең республика данын 15 боксчы яклады, алар арасында Бәләбәй шәһәре вәкиле аерылып торды.
"Чемпион" спорт мәктәбе укучысы Егор Петров бик яхшы техника һәм җиңүгә омтылыш күрсәтте. 66 кг авырлык категориясендә ул, турнирның алтын медален яулап, көндәшләренә өмет калдырмады. Моннан тыш, Бәләбәй боксчысының чыгышы махсус бүләк – иң яхшы көрәш алып бару техникасы өчен приз белән билгеләп үтелде.
Егорның уңышына күп яктан тренерлары – укытучылары Иван Игольников һәм Александр Силантьев ярдәм иткән. Алар җитәкчелегендә спортчы төбәкара ярышларда югары әзерлек дәрәҗәсен күрсәтеп кенә калмады, спорт мастерына кандидат нормативын да үтәде.
Регина Иванова әзерләде. "Чемпион" спорт мәктәбе фотосы
