Бәләбәйдә законсыз рәвештә займ бирүче компания таптылар

Алар арасында үзләрен кредит кулланучылар кооперативлары һәм ломбард дип атаган компанияләр дә бар, гәрчә алар Русия банкының рәсми реестрларында тормасалар да. Нелегалларның офислары Уфада, Туймазыда һәм Бәләбәйдә урнашкан.

"Илебезнең финанс базарында эшчәнлек алып бару өчен Русия банкының рөхсәтен алырга кирәк, – дип билгеләп үтте Русия банкының Башкортостан буенча бүлекчәсе идарәчесе урынбасары Наил Габидуллин. - Финанс оешмасы эшенең легальлеген регулятор сайтындагы белешмәлектә тикшерергә мөмкин.

Әгәр анда компания юк икән, мөгаен, ул законнан тыш эшли һәм аның белән эш итү куркыныч. Мәсәлән, легаль булмаган кредиторлар заем алучыга займнан файдаланган өчен арттырылган процентлар түләргә яки түләү вакыты чыккан очракта бурычларны түләтергә мөмкин".

Легаль булмаган кешеләр турында мәгълүмат финанс базарында легаль булмаган эшчәнлек билгеләре ачыкланган компанияләр исемлегендә урнаштырылган. Русия банкы аны үз сайтында бастыра һәм даими рәвештә кешеләр финанс компаниясен сайлаганда аның белән чагыштырсын өчен актуальләштерә.

Тулаем ил буенча гыйнвар – июнь айларында легаль булмаган эшчәнлек билгеләре булган 2,9 мең проект ачыкланган. Нигездә бу кара кредиторлар һәм финанс пирамидалары.

Русия банкы матбугат хезмәте материаллары буенча