Яшь экологлар Бәләбәйдәге чүп-чарны сортларга аеру комплексы эше белән танышты

Экскурсия программасы комплексның бөтен технологик чылбырын колачлады: яшь кунаклар чүп ташучы машиналарны бушату зонасыннан алып сортларга аеру линиясенә кадәр юл үттеләр. Укучылар калдыкларның гомуми агымыннан  файдалы фракцияләр — пыяла, катыргы, пластик һәм металлны кул белән аеруларын үз күзләре белән күрделәр. Шулай итеп, балалар чүп-чарны эшкәртүгә кадәр юлның никадәр катлаулы булуын һәм һәр стадиянең ни дәрәҗәдә мөһим булуын аңладылар.

«Экология Т» җәмгыяте хезмәткәрләре визитның катнашучыларны теоретик әзерләүгә кыйммәтле практик өстәмә булуын билгеләделәр: «Безнең укучылар инде дүрт ай "Яшел старт" программасы буенча укыйлар: экоактивистлар белән очрашалар, төбәк тарихын өйрәнәләр һәм чараларны оештыру нигезләрен үзләштерәләр. Алар өчен бу экскурсия – белемнәрен практикада ныгыту өчен менә дигән мөмкинлек. Мәктәп укучыларының күбесе хәзер үз мәктәпләре өчен "Чиста уеннар" үткәрергә әзерләнә».

Регина Иванова әзерләде. «Экология Т»җәмгыяте фотолары