Чиста ишегалды – уртак эш

Чара берьюлы берничә бурычны хәл итте: кышкы салкыннар алдыннан мәктәп ишегалдын төзекләндерүдә ярдәм итү генә түгел, балаларга экологик тәрбия бирү, шулай ук команда рухын ныгыту. Өмә "Яшел Башкортстан" Бөтенрусия экологик акциясенең бер өлеше булды, шулай итеп, укучыларның һәм укытучыларның тырышлыгы чисталыкны һәм табигатькә сакчыл мөнәсәбәтне саклау буенча зур республика проектына туры килде.

Эш башланыр алдыннан сыйныф җитәкчеләре укучылар белән хәвефсезлек  техникасы буенча мәҗбүри инструктаж үткәрделәр. Шуннан соң катнашучылар тырма, себерке, чиләк һәм чүп капчыклары белән коралланып, сыйныфларга беркетелгән участокларга таралыштылар.

Уртак тырышлык белән байтак  эш башкарылды: көнкүреш чүп-чарларын, ботакларны һәм коры үләнне җыеп алу, юлларны, мәйданчыкларны һәм газоннарны яфраклардан чистарту. Чәчкә түтәлләренә һәм тәҗрибә участокларына аерым игътибар бирелде – аларны кышкы ял чорына әзерләү өчен тәртипкә китерделәр.

Көзге җылы һава торышы һәм бергә булу хезмәтне файдалы гына түгел, күңелле дә итте.

Регина Иванова әзерләде. 1 нче гимназия фотосы