Бәләбәй ярминкәсеннән – БСТ эфирына кадәр

Күптән түгел Анна БСТ телеканалында «Бәхетнамә - Женское счастье» тапшыруының героинясы булды. Студиядә ул Башкортстанның креатив индустриясенең күренекле вәкилләре: БР «Минем креатив бизнесым» үзәге җитәкчесе Адели Литягина, рәссам һәм этник сувенирлар һәм кием брендына нигез салучы Мария Товмасян һәм «Балчык» һәм «Торатау маркет»проектлары авторы, рәссам керамист Анастасия Новодержкина компаниясендә булды. Алып баручы Екатерина Скоробогатова белән бергә алар мастерга ничек идеяне брендка әверелдерү турында сөйләштеләр.

Бу безнең республикада уникаль, автор әйберләренә ихтыяҗ артуның, ә дәүләт иҗат итүчеләр өчен реаль «мөмкинлекләр тәрәзәләре» булдыруның ачык мисалы.

Аннаның тарихы – уңыш турында сөйләү генә түгел, бәлки бүген эшмәкәр булу өчен укудан курыкмаска һәм үзеңнең «алтын кулларыңа»ышанырга кирәклегенә ачык дәлил. Ул үрелгән мебель ясап кына калмый, ә тәҗрибәсе белән дә юмарт уртаклаша. Ул «Һөнәр маркеты» бергәлеген һәм «Һөнәр» клубын булдырган, анда ул кырыс ментор буларак түгел, ә дус  һәм остаз буларак чыгыш ясый, фикердәшләренә үсәргә ярдәм итә. Ул Бәләбәй шәһәрендәге «Минем бизнес» үзәге базасында мастер-классларда  актив катнашучы һәм даими рәвештә яңалыкка өйрәнә – вакытлы басмалардан алып  ЯИга кадәр.

“Иҗатыңның кешеләргә кирәклегенә ышанырга гына кирәк, - ди Анна. - Һәм һәрчак эшкә салынган җылылыкка бәя бирүчеләр табылачак"

Бу иҗади күңелле ханым, дүрт бала әнисе буларак, гаиләсенә вакыт бүләргә дә, бизнесын үстерергә, яңа технологияләрне өйрәнергә һәм төбәк дәрәҗәсендәге конкурсларга чыгарга да өлгерә. Хәзер без чын күңелдән Анна Габдрахмановага Башкортстан Республикасының креатив индустрияләр өлкәсендә премиядә җиңү телибез.

Эльвира Каһирова, Бәләбәйдә “Минем бизнесым” үзәге бүлеге җитәкчесе.